NUN’ AVIMU CCHJU’ TEMPU
Terra lunga Terra stritta
di dui mari biniditta
‘nddài lu ssuli e ll’aria frrisca
e lu mari cu la bbrizza
pari ammia ca ‘nd’accarizza
Terra Bruzia ‘nsuddisfatta
Cu’ la surti chi ‘nddavìmu
vivi sempri ‘ntta tristizza
‘u miraculu cchjù n’aspitta
pensa sulu a com’ j fari
mu sj poti ripigghjàri
‘Nccé ccu voli ‘u canggiàmentu
pi prumissi elitturali e
s’aspitta ca ‘u Guvernu
‘nddavi puru j bbinidiri
‘Nccé ccu pensa ca ‘u Paisi
cchjù nu canggia piddàveru
standu a cchigju chi vidimu
di dicenni stam’arredu
Pi lu Sudd nunn’è misteru
Cu’ s’accorgi ogn’issira ca’
lu bbeni e lu prugressu
nun si ponnu uttiniri
si nnun cc’è nu mundu onestu
A pultica du fari nunn’ècchjia di lu diri
Ma vurria mu ‘nccj ddumandu
a li Gnuri d’artu rangu
‘nddj potiti vui diri
com ‘u Sudd avi di fari
mu si potj sullivari
si lu Statu tira a campari
‘Nddj putiti garantiti ca’ faciti
ferro e focu pi strappari stu
Paisi a lu mali ccchjù fitusu
chi ‘ndj dassa sinza jhhatu
‘Ndarrubbàstjvu ogni cosa
a fiducia cchjù nu’ccunta
si nunn cc’è la cunvvinzziuni
ca dumani s’avi j canggiari
e avanti avim’ahjri
La spiranza puru manca
e pirdimmu ‘a pacenza
d’aspittare malamenti
senza manccu nu prisenti
‘Nddij diciti aundd’jri
‘nddi diciti c’avimu dj fari
pj ‘ncci dari n’avveniri
a sti Talia miridiunali
Chi ‘naddavjmu nui j chi ffari
di stu bellu Miridiuni
ginirusu e uspitali
si ‘ncci mancanu li ali
pi vulari comu voli
Quanti voti ‘nddj pinssammu
ca’ Pulitica e Guvernu
si mentenu a raggiunari
pj vvidjri com’j fari
ma a risppusta av’arrivari
Vui pinsati ca dumani
‘nta stu tempu j pandimia
cu’ ’nu pocu d’accurtizza
‘na pulitica fatt’apposta
‘nddj pottimu meritari
cu rilanciu naziunali
‘ncuna bbona uccasiuni
pi lu nostru Miridiuni
Troppi cosi s’hannu ‘avvidiri
troppi cosi s’annu ‘asbburdiri
pi’ lu Sudd chi sta pj mururi
La pulitica naziunali avarria
puru j sapiri comu catinazzu s’avi di fari
Si scordaru ogn’argumentu
puru ‘nta lu Parlamentu
ma la storia s’arricorda
quando dici cu verrgogna
ca stj Talia tutt’unita
sinza Sudd nun’avi vita
A stu Sudd aviti j pjnsari
’nu pruggettu seriu ‘ncci voli
A’ Pulitica sav’annacari
‘nu futuru ‘nciaviti di dari
Nun’avimu cchjù tempu j perdiri
pi’ la criscita du Miridiuni
Niketeras 2021
